Zawp Logo - Zorrotzaurre Art Working Progress
euesen

Zawp

Home » ZAWP Mundua » Trans Europe Hallesen 85. konferentzia

Trans Europe Hallesen 85. konferentzia

Europako zentro kultural independente desberdinetako 200 ordezkari inguru batuko dira maiatzaren 24tik 27ra Bilbon ospatuko den Trans Europe Hallesen 85. konferentzian.

Urtero, Trans Europe Halles sareko kide eta lagunak batzen dira Nazioarteko Konferentzian, proiektuak eta esperientziak sortu eta partekatzeko. Oraingo honetan, Asociación HACERIA ARTEAKek, 2012tik sareko kide denak, topaketa hau antolatuko du, “Mientras tanto. Space-time intruders” titulupean.

Eduard Miralles, Fundación Interartseko presidentea, izango da konferentziari hasiera hemango diona, maiatzaren 24an, kulturaren nazioarteko lankidetzaren kudeaketan espezializatutako hitzaldi batekin.

ZAWPen (Asociación Haceria Arteaken proiektu nagusia), Bitartean filosofía aukeratu dugu espazio eta laneko filosofía bezala, eta horrela jarduten dugu artetik eta kulturatik trantsizioan dagoen leku batean, Zorrotzaurreko penintsulan, duela 20 urtetatik. Ikasten ari garena partekatu nahi dugu. Beste batzuk ikasi dutena ikasi nahi dugu. Pertsonek eta espazio kulturalek bizi duten bitarteko egoeraz hitz egin nahi dugu.

Topaketa honen helburu nagusia “Bitartearen Manifestua” sortzea eta sinatzea izango da.

Ekitaldia gaur egun ZAWPek kudeatzen dituen espazio ezberdinetan ospatuko da, eta horrez gain, Papelera eraikinean  eta Lacalden, antzinako estanpazio eta galdaragintza fabrika; Haceria elkartea eta ZAWP epe laburrera bertara mugituko dira, egungo espazioak desagertu egingo direlako.

Konferentziako egitaraua, ekitaldiko web-orrialde ofizialean dago eskuragai.

Konferentzia honetan, bertako eragileek ere haien lekua izango dute, bereziki larunbatean, maiatzaren 26an.

Itxiera bezala, 27 igandean, Euskal Herriko toki ezberdinetara irteerak egingo dira: Urdaibaiko parkera, Elantxobera, edo “Bilbao Dè Tour Nement” –en kolaborazioarekin ibilbidea Bilbotik.

Informazio gehiago eta izen-ematea teh85.zawp.org webgunean eta sare sozialetan #teh85 erabiliz.

 

Leave a Reply

X